| אֵשֶׁת־חַיִל, מִי יִמְצָא; וְרָחֹק מִפְּנִינִים מִכְרָהּ. |
’Esyet-khayil, mi yimtsa; werakhoq mippeninim mikhrah. |
| בָּטַח בָּהּ, לֵב בַּעְלָהּ; וְשָׁלָל, לֹא יֶחְסָר. |
Batakh bah, lev baʿlah; wesyalal, lo yekhsar. |
| גְּמָלַתְהוּ טוֹב וְלֹא־רָע–כֹּל, יְמֵי חַיֶּיהָ. |
Gemalathu tov welo-raʿ—kol, yemei khaiyeih. |
| דָּרְשָׁה, צֶמֶר וּפִשְׁתִּים; וַתַּעַשׂ, בְּחֵפֶץ כַּפֶּיהָ. |
Daresyah, tsemer ufisytim; wattaʿas, bekhefets kappeiha. |
| הָיְתָה, כָּאֳנִיּוֹת סוֹחֵר; מִמֶּרְחָק, תָּבִיא לַחְמָהּ. |
Hayetah, koʾoniyot sokher; mimmerkhaq, yavi lakhmah. |
| וַתָּקָם, בְּעוֹד לַיְלָה–וַתִּתֵּן טֶרֶף לְבֵיתָהּ; וְחֹק, לְנַעֲרֹתֶיהָ. |
Wattaqom, beʿod lailah—wattitten teref leveitah; wekhoq, lenaʿaroteiha. |
| זָמְמָה שָׂדֶה, וַתִּקָּחֵהוּ; מִפְּרִי כַפֶּיהָ, נטע (נָטְעָה) כָּרֶם. |
Zamemah deh, wattiqqakhehu; mipperi khappeiha, netaʿ (nateʿah) karem. |
| חָגְרָה בְעוֹז מָתְנֶיהָ; וַתְּאַמֵּץ, זְרוֹעֹתֶיהָ. |
Khagerah beʿoz mateneiha; watteʾammets, zeroʿoteiha. |
| טָעֲמָה, כִּי־טוֹב סַחְרָהּ; לֹא־יִכְבֶּה בליל (בַלַּיְלָה) נֵרָהּ. |
Taʿamah, ki-tov sakhrah; lo-yikhbeh vallayil (vallailah) nerah. |
| יָדֶיהָ, שִׁלְּחָה בַכִּישׁוֹר; וְכַפֶּיהָ, תָּמְכוּ פָלֶךְ. |
Yadeiha, syillekhah vakkisyor; wekhappeiha, tamekhu falekh. |
| כַּפָּהּ, פָּרְשָׂה לֶעָנִי; וְיָדֶיהָ, שִׁלְּחָה לָאֶבְיוֹן. |
Kappah, paresah leʿani; weyadeiha, syillekhah laʾevyon. |
| לֹא־תִירָא לְבֵיתָהּ מִשָּׁלֶג׃ כִּי כָל־בֵּיתָהּ, לָבֻשׁ שָׁנִים. |
Lo-tira leveitah missyaleg: ki khol-beitah, lavusy syanim. |
| מַרְבַדִּים עָשְׂתָה־לָּהּ; שֵׁשׁ וְאַרְגָּמָן לְבוּשָׁהּ. |
Marvaddim ʿasetah-lah; syesy weʾargaman levusyah. |
| נוֹדָע בַּשְּׁעָרִים בַּעְלָהּ; בְּשִׁבְתּוֹ, עִם־זִקְנֵי־אָרֶץ. |
Nodaʿ bassyeʿarim baʿlah; besyivto, ʿim-ziqnei-ʾarets. |
| סָדִין עָשְׂתָה, וַתִּמְכֹּר; וַחֲגוֹר, נָתְנָה לַכְּנַעֲנִי. |
Sadin ʿasetah, wattimkor; wakhagor, natenah lakkenaʿani. |
| עֹז־וְהָדָר לְבוּשָׁהּ; וַתִּשְׂחַק, לְיוֹם אַחֲרוֹן. |
‘Oz-wehadar levusyah; wattiskhaq, leyom akharon. |
| פִּיהָ, פָּתְחָה בְחָכְמָה; וְתוֹרַת־חֶסֶד, עַל־לְשׁוֹנָהּ. |
Piha, patekhah vekhakhemah; wetorat-khesed ʿal-lesyonah. |
| צוֹפִיָּה, הֲלִיכוֹת בֵּיתָהּ; וְלֶחֶם עַצְלוּת, לֹא תֹאכֵל. |
Tsofiyah, halikhot beitah; welekhem ʿatslut, lo tokhel. |
| קָמוּ בָנֶיהָ, וַיְאַשְּׁרוּהָ; בַּעְלָהּ, וַיְהַלְלָהּ. |
Qamu vaneiha, waiʾassyeruha; baʿlah, waihallah. |
| רַבּוֹת בָּנוֹת, עָשׂוּ חָיִל; וְאַתְּ, עָלִית עַל־כֻּלָּנָה. |
Rabbot banot, ʿasu khayil; weʾat, ʿalit ʿal-kullanah. |
| שֶׁקֶר הַחֵן, וְהֶבֶל הַיֹּפִי׃ אִשָּׁה יִרְאַת־יְהוָה, הִיא תִתְהַלָּל. |
Syeqer hakhen, wehevel haiyofi: ʾissyah yirʾat-Yahweh, hi tithallal. |
| תְּנוּ־לָהּ, מִפְּרִי יָדֶיהָ; וִיהַלְלוּהָ בַשְּׁעָרִים מַעֲשֶׂיהָ. |
Tenu-lah, mipperi yadeiha; wihalluha vassyeʿarim maʿaseiha. |
|
